أصلًا أصلًا، ماحدا مرتاح

– مرحبا.
– في مجال بيع الموبايل ؟
– ايه تفضل استاذ. شو نوعه ؟
– S4
– قدّيش عمرَك حَبيبي؟
– 17… ليش؟
– أهلك عارفين إنّو بدَّك تبيعو؟
– شو دخل أهلي؟
– استاذ ليه بدك تبيعو؟
– خيي انت شو دخلك ليش؟
– يا اخي جاوبني شو اشباك؟ ليه بدك تبيعو؟ مش حابو؟
– مبلا كيف لكان بجنن ! بس….
– بس شو! بتصيرو تعملو حركات و بدكن تبيعو و تشترو الاجدد. ما يكون مش من مستواك هيدا بقا. او مش من قامتك
– يا استا…
– خلص هاتو لهون! انتو ناس ما بتعرفو قيمة المصاري. هلق بجبلك الاجدد محلو. او بقلك، تاع بكرا خدو. و هلق قوم من وجي بقا ! اخت اللي بعد بيسكتلكن انتو. Gens chics قال.

و فليت من المحل راسي بالارض. مش فاهم ليه اكلت كل هالبهدلة. كل اللي كان بدي ياه هو اشتري نوكيا ابو لمبة، هيك هيك ما بعوز الا اتصل و اتلقى اتصالات.

أصلًا أصلًا، ماحدا مرتاح.

One thought on “أصلًا أصلًا، ماحدا مرتاح

Leave a Reply

Your email address will not be published. Required fields are marked *